Праздник
святых славных и всехвальных
первоверховных апостолов
Петра и Павла
Двенадцатого июля Церковь чтит память святых апостолов Петра и Павла. Этот праздник предварял первый из двух летних постов — Петров. Почти месяц верующие готовились к этой дате, как к большому празднику. Почему? За что мы почитаем апостолов, в чем заключалась миссия Петра и Павла?
Икона Святые первоверховные апостолы Петр и Павел
Апостолы Петр и Павел: интернациональные имена
Двенадцатого июля Церковь чтит память святых апостолов Петра и Павла, этот праздник предварял первый из двух летних постов — Петров, почти месяц верующие готовились к этой дате, как к большому празднику. Почему? За что мы почитаем апостолов, в чем заключалась миссия Петра и Павла? Об этом рассуждает кандидат физико-математических наук и диакон Николай Солодов.
Редко кто вспомнит теперь, что когда-то Петра и Павла звали по-другому. Петр «по паспорту» был Симоном, более точно Шимоном, как Шимон Перес, а Павел — Савлом, или Саулом (Шаулом), как первый царь Израиля. Их еврейские имена заслонили имена интернациональные: Петр, по-гречески камень, и Павел, от латинского маленький. Во Христе нет ни грека, ни еврея, ни русского, ни таджика, ни татарина. Но преодоление национальных границ далось первым христианам иудеям не легко. Для этого была необходима глубокая перестройка сознания — процесс, который отразился даже на именах.
Перевести веру на язык другого народа — дело чрезвычайно сложное. Даже в христианской Европе православие доступно лишь очень немногим — до сего дня оно существует только на русском, сербском, греческом… На немецком языке православия практически нет. Переводы богослужебных книг — есть, а перевода веры на язык культуры, так чтобы оно перестало быть чем-то чужеродно-экзотическим, — нет. И православные церкви рассматриваются в Германии лишь как особая форма самовыражения национальных меньшинств. Еще хуже дело обстоит в Китае или Таиланде: если культура «не знает» Евангелия, то проповеди не на что опереться. Приходится начинать с чистого листа. Представьте себе, что вам надо рассказать китайцам о православии. С чего бы вы начали?
Однако проблемы современных миссионеров все же не слишком велики в сравнении с выпавшими на долю первых апостолов. Вера Христова за несколько десятилетий распространилась по всей Римской империи. Маленькая иудейская секта превратилась в первую (и по существу единственную) мировую религию. Горстка учеников преобразилась во Вселенскую церковь. Это было чудо. Но чудо это было совершено руками людей — апостолов, по большей части простых рыбаков. Они получили особый дар и призвание — созидать Церковь — святую, соборную, апостольскую. Первыми среди апостолов мы называем Петра и Павла, первоверховных апостолов.
Чем же выделяется их роль в распространении христианства? Ведь не называют первоверховными ни Иоанна Богослова, ни евангелиста Матфея, ни Иакова, первого епископа Иерусалима. Все апостолы трудились над одним делом, все они свидетельствовали о Христе, но служение апостолов Петра и Павла было особенным уже по тому, что им было суждено перейти чрезвычайно важные границы. Апостольство и всегда есть перехождение границ: посланный от Бога обращается к «внешним», к тем, кто еще за границей Церкви; он выходит за установленные рубежи общины, чтобы просветить и спасти тех, которые еще во тьме. Очень часто границы эти были географическими: апостол Фома проповедовал в Индии, равноапостольная Нина в Грузии, равноапостольный Николай (1836-1912) в Японии, равноапостольный князь Владимир крестил Русь. Но отнюдь не всегда пути проповеди означали пространственное перемещение: апостолу Петру выпало первому обратиться к язычникам, а не к иудеям, и это был важнейший рубеж, хотя он и не был сопряжен с дальними путешествиями. Иудеев, избранный народ отделяли от неверных многовековые установления — перейти их было сложнее, чем уехать на край света. Не случайно, чтобы решиться на проповедь язычникам Петру понадобился особый знак — видение, в котором Господь трижды повторил, обращаясь к Петру, не гнушаться ничем из того, что Он очистил. Петр проповедовал Корнилию сотнику, и, укрепляя решимость апостола, Дух Святой сошел на сотника и бывших с ним, когда они еще не были крещены водой. Петр сделал первый шаг, не все христиане (тогда поголовно иудеи) одобрили его начинание. Продолжил же дело просвещения народов «апостол язычников» Павел.
Первоверховный апостол Павел не был в отличие от Петра спутником Спасителя в Его земной жизни. Не был он свидетелем чудес и исцелений, не получал от Иисуса Христа обетований, подобно старшему из двенадцати: «Ты еси Петр, и на сем камне созижду Церковь Мою, и врата ада не одолеют ее, и дам тебе ключи Царства Небесного, и что свяжешь на земле, будет связано на небесех…» (Мф.16:18-19) — почти невместимые слова! Римские первосвященники не выдержали их высоты. По традиции они считали себя наследниками Петра, и, относя слова Господа к себе, со временем начали почитать себя безгрешными наместниками Христа на земле.
Апостол Павел, напротив, поначалу был гонителем христиан и ревнителем фарисейства. Не уверовал он и после распятия и воскресения Спасителя. И только особое посещение Божие, которого Савл сподобился на пути в Дамаск, куда он шел преследовать учеников Христовых, повернуло его вспять. И вот он уже ревностный проповедник Евангелия, просветитель язычников, наставник обращенных.
Послания апостола Павла в разные города составляют значительную часть книг Нового Завета, его поучения ценили во все времена, их посредством продолжает беседовать с нами апостол, живший почти два тысячелетия назад. Письма эти чрезвычайно богаты содержанием, хотя и требуют большего труда для уяснения, чем другие новозаветные книги. Через них пришел ко Христу блаженный Августин, не жалеет хвалебных слов об апостоле Павле Иоанн Златоуст. Но и глубина павлова богословия таит не меньшие опасности, чем высота власти Петра. Однобокое толкование посланий апостола привело Лютера к уклонениям от правой веры, и до сего дня протестанты ни на что другое так охотно не ссылаются, как на послание Павла к Римлянам, ухитряясь противопоставлять его всему остальному Писанию.
Трудами апостолов Бог призывает все народы в Свое Царство. Начинали свой жизненный путь первоапостолы совсем по-разному: хорошо образованный иудей из малоазийского города Тарса Павел и галилейский рыбак Петр, с разных сторон подошли они к общему делу, но скончали земную жизнь они оба в Риме, убитые во время преследования христиан при Нероне — гонители не достигли своей цели, спасительное учение быстро распространялось по всей вселенной. Через двери, открытые первоверховными апостолами входили в Церковь народы севера и юга, запада и востока.
(Диакон Николай Солодов)
Распятие апостола Петра
Историческое содержание
Почитание святых апостолов Петра и Павла началось сразу же после их казни. Место их погребения было священно для первых христиан. В IV веке святым равноапостольным Константином Великим (†337; память 21 мая ст. ст.) были воздвигнуты храмы в честь святых первоверховных апостолов в Риме и Константинополе. Совместное их празднование — 29 июня (ст. ст.) — было сильно распространено уже в первые века христианства. Празднуя в этот день память первоверховных апостолов, Православная Церковь прославляет духовную твердость святого Петра и разум святого Павла, воспевает в них образ обращения согрешающих и исправляющихся: в апостоле Петре — образ отвергшегося от Господа и покаявшегося, в апостоле Павле — образ сопротивлявшегося проповеди Господней и потом уверовавшего.
В Русской Церкви почитание апостолов Петра и Павла получило начало после Крещения Руси. По церковному преданию, святой равноапостольный князь Владимир (†1015; память 15 июля ст. ст.) привез из Корсуни икону святых апостолов Петра и Павла, которая впоследствии была преподнесена в дар Новгородскому Софийскому собору. В этом же соборе до сих пор сохранились фрески XI века с изображением апостола Петра. В Киевском Софийском соборе настенные росписи, изображающие апостолов Петра и Павла, относятся к XI–XII векам. Первый монастырь в честь святых апостолов Петра и Павла был воздвигнут в Новгороде на Синичей горе в 1185 году. Примерно в это же время началось строительство Петровского монастыря в Ростове. Петропавловский монастырь существовал в XIII веке в Брянске.
Имена апостолов Петра и Павла, получаемые при святом крещении, особенно распространены в России. Эти имена носили многие святые Древней Руси. Изображения святых апостолов Петра и Павла в иконостасе православного храма стали неизменной принадлежностью деисусного чина. Особенно известны иконы первоверховных апостолов Петра и Павла, написанные гениальным русским иконописцем преподобным Андреем Рублевым.
Усекновение главы апостола Павла
Молитвы
Тропарь первоверховным апостолам Петру и Павлу, глас 4
Апо́столов первопресто́льницы,/ и вселе́нныя учи́телие,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.
Перевод: Первенствующие из Апостолов и вселенские учителя, Владыку всего молите мир вселенной даровать и душам нашим великую милость.
Кондак первоверховным апостолам Петру и Павлу, глас 2
Тве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й:/ боле́зни бо о́нех и смерть прия́л еси́ па́че вся́каго всепло́дия,// Еди́не, све́дый серде́чная.
Перевод: Непоколебимых и Богогласных проповедников, высших из учеников Твоих, Господи, Ты принял в наслаждение благ Твоих и покой; ибо труды их и смерть признал Ты высшими всякой жертвы, Один, знающий то, что в сердцах.
Величание первоверховным апостолам Петру и Павлу
Велича́ем вас,/ апо́столи Христо́вы Пе́тре и Па́вле,/ весь мир уче́ньми свои́ми просвети́вшия// и вся концы́ ко Христу́ приве́дшия.
Молитва первоверховным апостолам Петру и Павлу
О, пресла́внии апо́столи Пе́тре и Па́вле, ду́ши за Христа́ преда́вшии и кро́вию ва́шею па́жить Его́ удобри́вшии! Услы́шите чад ва́ших моли́твы и воздыха́ния, се́рдцем сокруше́нным ны́не приноси́мыя. Се бо беззако́ньми омрачи́хомся и того́ ра́ди беда́ми, я́коже ту́чами, обложи́хомся, елеа́ же до́браго жития́ обнища́хом зело́ и не возмо́жем проти́витися волко́м хи́щным, и́же расхища́ти насле́дие Бо́жие де́рзостно тща́тся. О си́льнии! Понеси́те не́мощи на́ша, не отлуча́йтеся ду́хом от нас, да не разлучи́мся в коне́ц от любве́ Бо́жия, но кре́пким заступле́нием ва́шим нас защити́те, да поми́лует Госпо́дь всех нас, моли́тв ва́ших ра́ди, да истреби́т же рукописа́ние безме́рных грехо́в на́ших и да сподо́бит со все́ми святы́ми блаже́ннаго Ца́рствия и бра́ка А́гнца Своего́, Ему́же честь и сла́ва, и благодаре́ние и поклоне́ние, во ве́ки веко́в. Ами́нь.
Молитва вторая первоверховным апостолам Петру и Павлу
О, святи́и апо́столи Пе́тре и Па́вле, не отлуча́йтеся ду́хом от нас, гре́шных раб Бо́жиих (имена), да не разлучи́мся вконе́ц от любве́ Бо́жия, но кре́пким заступле́нием ва́шим нас защити́те, да поми́лует Госпо́дь всех нас моли́тв ва́ших ра́ди, да истреби́т же рукописа́ние безме́рных грехо́в на́ших, и да сподо́бит со все́ми святы́ми блаже́ннаго Ца́рствия и бра́ка А́гнца Своего́, Ему́же честь и сла́ва, и благодаре́ние и поклоне́ние во ве́ки веко́в. Ами́нь.
Молитва третья первоверховным апостолам Петру и Павлу
О, верхо́внии апо́столе: Пе́тре, ве́ры Христо́вой тве́рдый изобрази́телю, и Па́вле, сладковеща́тельная ла́стовица уче́ния Госпо́дня! Зрим вас, а́ки многотеку́щую реку́ сказа́ний Христо́вых слове́с, истека́ющую от и́стинных недр Бо́жиих и всю глубину́ кла́дезя и́стин богооткрове́нных пред на́ми, жа́ждущими их, открыва́ющую. Зрим вас, а́ки свети́ла, с небесе́ то́ки теплоты́ любве́ боже́ственныя нам уясня́ющия: ублажа́ем вас, прие́мших труды́ и по́ты, во е́же все́яти уче́ний боже́ственных се́мена: целу́ем стопы́ ва́ша, обтека́вшия вся концы́ земли́, и в тре́пете грехо́внем зрим главы́ ва́ша, смире́нно преклоне́нныя к пречи́стым стопа́м Госпо́дним: еди́наго кре́стным путе́м (пове́шением) и друга́го ме́чным усече́нием. Уми́льно про́сим вас, святи́и апо́столи, сотвори́те и нас в бу́ести грехо́вней преклоне́нными пред Учи́телем на́шим Го́сподом, сотвори́те го́рдости на́шей главы́ усекнове́ние уче́нием богооткрове́нным: глад душе́вный наш да утоли́т Госпо́дь бра́шном, указу́емым с сама́го не́ба, я́коже Петру́: — ты же, Па́вле, богонасы́щенный Христо́вых слове́с, потщи́ся и нас до тре́тьяго небесе́ возвести́ твои́ми непреста́нными о нас ко Го́споду моли́твами, да и мы та́мо просла́вим с ли́ки а́нгельскими и апо́стольскими ди́внаго во святы́х свои́х Отца́ вся́ческих и Его́ же посла́л в мир спаса́яй и наставля́яй к жи́зни ве́чной, Го́спода Иису́са Христа́, и единосу́щнаго Им Свята́го Ду́ха. Ами́нь.
Каноны и Акафисты
Канон святому апостолу Петру
Читать канон
Творение преподобного Иоанна Дамаскина
Песнь 1 Глас 4
Ирмос: Несть Тебе подобен, препрославленный Господи, рукою бо крепкою избавил еси люди, яже стяжал еси, Человеколюбче.
Верховнейшаго апостолов днесь, яко первозваннаго Христова, богодохновенными песньми достойно воспоим.
Тя Предвечный проуведев, предустави, всеблаженне Петре, яко предстателя Своея Церкве и первопрестольника.
Ни плоть, ниже кровь тебе, но Отец вдохну Христа богословити, Сына истиннаго Бога Вышняго, апостоле.
Богородичен: Гору святую, превышнее носило, Матерь Божию и Деву истинную по рождестве воспоем.
Песнь 3
Ирмос: Не мудростию, и силою, и богатством хвалимся, но Тобою, Отчею Ипостасною мудростию, Христе: несть бо свят, паче Тебе, Человеколюбче.
Тя, блаженна, сладкая уста Христа Бога и сокровище твердо Царствия показаша. Темже воспеваем тя, Петре апостоле.
На камени твоего Богословия водрузи Владыка Иисус Церковь непреклонну, в нейже тя, апостоле Петре, славим.
Яко пребольши Ангел Петр в телеси: во светлом бо пришествии сего Христос Бог судию же и соседателя быти рече.
Богородичен: Неискусобрачная, Бога плотию рождшая, страстными прилоги преклоненна мя утверди: несть бо, Чистая, разве Тебе, помощницы.
Песнь 4
Ирмос: Сей Бог наш, от Девы воплощся и естество обожив, Егоже воспевающе, вопием: слава силе Твоей, Господи.
Человеком ловца тя, якоже обеща Христос, содела Божественна Своея Церкве, первому вручив кормила.
Тобою умоляемь Жизнодавец Иисус, вязати же и решити давый тебе власть, Петре, да будет ми милостив.
Христово Царствие отверсти прилежно молися, Петре, Божественную твою память верою несумненною чтущим.
Богородичен: Госпоже Всепетая, Богородительнице, моя помышления Твоими молитвами очистивши, покажи мя благоплодна, Мати всех Бога.
Песнь 5
Ирмос: Стяжавый ны, избранныя люди Кровию Твоею, Господи, Твой мир даждь нам,во единомыслии сохраняя стадо Твое.
Иже от любве приим дерзновение к Богу, достойно чудим бываше ловец и невежда, чудодействуя преславно благодатию.
Не злато Тебе ради, ни сребро, Христе, Божественный Твой апостол, но добродетель стяжав, чудес обогатися силою.
Исправляхуся стопы и глезне хромых, действенным твоим глаголом: Божественным бо Духом совершахуся преславныя вещи.
Богородичен: Воплотися Бог по ипостаси, Чистая, из Тебе плотию соединяемь, пребыв неизменен, по Божественному существу безплотен.
Песнь 6
Ирмос: В ките, Христе, тридневновав, Иона прописа Тя, Безсмертнаго, яко мертва волею в сердце земнем тридневновавша.
Якоже древле, Христе, десницею Твоею по воде пеша ходяща Петра спасл еси, и мене, потопляема бурею лютых напастей, спаси, яко Милосерд.
Оставил еси, о Петре, не сущая, и сущая достигл еси, якоже некий купец, и яве уловил еси бисер, Христа, многоценный.
Искушати безумно покусившияся Духа Пресвятаго, Петре, умертвил еси: Егоже богословил еси ты первее, яве исповедав Бога, всеблаженне.
Богородичен: Всякаго вышша существа Слово Божие родила еси, воплощенно нам, темже Богородицу Тя устнами же и душею проповедаем.
Кондак, глас 2
Твердыя и Боговещанныя проповедатели, верх апостолов Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине, сведый сердечная.
Икос
Уясни мой язык, Спасе мой, разширив моя уста и исполнив я, умили сердце мое, да, яже глаголю, последую и, яже убо учу, сотворю первее: всяк бо творя и уча, рече, сей велик есть. Аще бо глаголю, и не творю, яко медь звенящая вменюся; темже рещи ми подобная и творити полезная даруй, Едине, сведый сердечная.
Песнь 7
Ирмос: В начале Безначальное Слово, со Отцем и Духом, Сын Единородный, благословен еси, и превозносимый Боже отец наших.
Милостивному, Божественным промыслом Христовым наказуемь, подобитися попущен был еси, прежде страсти, Петре, отвержения подпасти волнению.
Тебе Христос, первозванному и зело возлюбленному, яко председателю благославну апостолов, первому является, воскрес от гроба.
Твое трикратное, еже прежде страсти, исцеляя отвержение, Владыка трикратным боговещанным, Петре, вопрошением утверждает любовь.
Еже ко Христу, Петре, любления, предлагал еси свидетеля и Всевидящаго яко Бога Слова, темже и любимое вручает тебе стадо.
Богородичен: Яже во утробе Превечное, от Отца возсиявшее Бога Слово плотию заченшую, вси ублажаем, яко Матерь всех Бога.
Песнь 8
Ирмос: Всяческая носяй неприступною Твоею силою, Христе, преподобныя Твоя отроки в пламени оросил еси, зовущия: благословите, вся дела Господня, Господа.
Воздежут твои руце и ко кресту тя препояшут,— Владыка предрек, Петре, повелевает последовати зовущу: благословите, вся дела Господня, Господа.
Благодати словом Енея, убо разслабленна люте, Тавифу же умершую, чудодействуя, воскресил еси, зовущия: благословите, вся дела Господня, Господа.
Иже Петру языки очищены поведав, Христе, духовною зарею и мне помышления очисти, зовущу: благословите, вся дела Господня, Господа.
Богородичен: Всесвятая Дево, Яже Бога Слова рождшая плотию, души моея мрак Твоими молитвами отгнавши, просвети, взывающа: благословите, вся дела Господня, Господа.
Песнь 9
Ирмос: Тя, преславную Невесту и Всесвятую Богородицу, Зиждителя рождшую невидимых же и всех видимых, песньми величаем.
Твоя преизящная благодать славится достойно, сени бо твоей страсти немощных, Петре, отгоняющей, темже тя величаем.
Мечтаньми Симона волхва богоборца взята к воздушней высоте, низложив неизглаголанною Божественною силою, Петр ублажается.
Согрешений разрешение молитвами твоими подаждь, просвещение же сердца и веселие духа поющим память твою, апостоле.
Твоя вся исполнена славы, освящения же и чудес: словеса, мощи, персть и верою, Петре, покланяемыя и любовию Божественныя вериги.
Богородичен: Твое имя Плод чрева содея ликовника песнь пети Тебе, Иже радость рождши, велегласно — радуйся—провещавающа.
Светилен
Апостолов вси верх воспоем, Петра и Павла Божественныя, вселенныя светильники, проповедники веры, богословныя трубы, учений сказатели, церковныя столпы и разорители лести.
Икона Святой апостол Петр
Канон святому апостолу Павлу
Читать канон
Творение преподобного Иоанна Дамаскина
Песнь 1 Глас 8
Ирмос: Посеченный несекомаго пресече, и виде солнце землю, юже не виде, лютаго врага вода потопи, и непроходимое пройде Израиль, песнь же воспевашеся: Господеви поим, славно бо прославися.
Якоже сущая нарицая не сущая Христос Божественным разумом, Павле всеблаженне, Той из матерня чрева тя избра понести пред языки Божественное Его Имя, еже паче всякаго имене: славно бо прославися.
Будущее возвещая тебе сияние благочестия, Павле, и лести очищение, Христос явлься на горе молниезрачен, очи убо помрачает плотския, душевныя же вразумляет Троическим разумом: славно бо прославися.
Обрезание убо совершая осмодневное и ревнитель отеческих, Павле, преданий, от семене еврейска, колена Вениаминова, по закону же фарисей явлься, вменил еси вся уметы и Христа приобрел еси: славно бо прославися.
Богородичен: Чистая Мати Бога Вседержителя, от царскаго колена, Владычице, израстши и едина Бога, всеми царствующаго, рождшая плотию паче естества, от бед мя спаси, Сыну Твоему поюща: славно бо прославися.
Песнь 3
Ирмос: Ты еси утверждение притекающих к Тебе, Господи, Ты еси свет омраченных, и поет Тя дух мой.
Ты камень основания верным душам положился еси многоценен, краеуголен Спаса и Господа.
Павле всеблаженне, на основании твоем, молися, добродетелей всехвальных наздатися светлости.
Всегда мертвость Иисусову на твоем теле совершенно, Павле, обносяй, сподобился еси истинныя жизни.
Богородичен: Тя вси стяжахом прибежище и стену нашу, христиане, Тя славословим немолчно, Безневестная.
Песнь 4
Ирмос: Всел еси на кони, апостолы Твоя, Господи, и приял еси рукама Твоима узды их, и спасение бысть еждение Твое верно поющим: слава силе Твоей, Господи.
Вседе, якоже лев, яровидно погубляя Христову Церковь, Савл иногда, ят же быв Божественным гласом Агнца Божия, Егоже гоняше, стадо яко пастырю вручает.
Хотяй просветити вселенную омрачается, Анания же к сему послася, душевное же просвещение даяй и телесное от Божественнаго явления, сосуд избран показав того.
Павлом достойно Дамаск напояется: от сего бо, якоже от рая иногда, вод Божественных сей произыде великий источник и упои всю Богоразумием независтно землю.
Богородичен: Низложи сильныя со престол Господь, Дева и Мати якоже рече, алчущия же Божественных благ исполни, верою зовущия: слава силе Твоей, Господи.
Песнь 5
Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.
Ты истинную избрал еси, Павле, похвалу, Крест Царя Христа присно нося, якоже победу, апостоле.
Тебе еже жити, Христос, и еже умрети, приобретение изрядно: любовию бо сраспялся еси Распеншемуся нас ради, Павле преславне.
Радуешися воистину о Господе, Павле честный, изшед из телесе и отшед ко Христу, Жизнодавцу Богу.
Богородичен: Моли присно Сына Твоего и Бога нашего, Неискусобрачная Марие Чистая, послати нам, верным, милость.
Песнь 6
Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.
Вся пренебрег красная мира, уязвлен Владычнею любовию и общаго спасения желанием, свидетельствовати тому изволив, о Павле блаженне, и ныне о вселенней молися.
Яко изрядный Владыце подобник и в Того одеян, Павле, воистину всем был еси всяк, да вся приобрящеши и спасеши люди, и спасл еси яко воистину, Христу уловив концы.
Достойно тебе дарова Христос житие, апостоле Павле, на Небесех: пребывающаго бо зде не возжелал еси града, блаженне, верен служитель быв и строитель таин Его.
Богородичен: Призре на Тя Господь, мое обновляя существо, яко Силен, величия сотворь, Богородительнице, якоже рекла еси, Всенепорочная, и спасе мя Тобою из тли Бог мой, яко Милосерд.
Кондак, глас 2
Твердыя и Боговещанныя проповедатели, верх апостолов Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине, сведый сердечная.
Икос
Уясни мой язык, Спасе мой, разширив моя уста и исполнив я, умили сердце мое, да, яже глаголю, последую и, яже убо учу, сотворю первее: всяк бо творя и уча, рече, сей велик есть. Аще бо глаголю, и не творю, яко медь звенящая вменюся; темже рещи ми подобная и творити полезная даруй, Едине, сведый сердечная.
Песнь 7
Ирмос: На поле Деире иногда мучитель пещь постави на мучение богоносных, в нейже три отроки песнословяху Единаго Бога, троично воспеваху, глаголюще: отцев Боже, благословен еси.
Бысть, Христе, печать и венец апостолов Твоих, иже напоследок званный времен, тщанием же всех превозшед, с нимже людие церковнии поют Тебе: отец наших Боже, благословен еси.
Аще и гонив первее Церковь Твою Павел узник, но премину древнюю дерзость Твоею ревностию последи. Собра бо, Христе, языки, зовущия: отец наших Боже, благословен еси.
Ты из Иерусалима проповедав всем Евангелие, объят же окрест всю землю, Павле, даже до конец Иллирика, уча, взывал еси: отец наших Боже, благословен еси.
Во ужасе взят быв, третие достигл еси Небо, пребогате, и, услышав неизглаголанная словеса, вопиеши: слава превышнему Отцу и Сыну, сияние же сопрестольно испытающаго яве Духа Божия глубины.
Богородичен: Якоже на руно дождь, на Тя сниде, Дево, Христос Бог, и Плотоносец из Тебе пройде, соединяя прежде разстоящая, мир на земли и на Небеси даруя: отец наших Боже, благословен еси.
Песнь 8
Ирмос: На горе святей прославльшася и в купине огнем Приснодевы Моисеови тайну явльшаго, Господа пойте и превозносите во вся веки.
Срастворися любовию Твоею Павел, добрым же изменением изступи: не себе бо живяше славный, имяше же, Щедре, живуща Тя в себе во вся веки.
Ты обручил еси, якоже невесту, представити Жениху Христу Церковь: невестовождь бо сея показался еси, Павле Богоносе. Темже тя славит во вся веки.
Подвизался еси добрым подвигом и, скончав течение твое законно, сокровище веры соблюл еси. Темже венцев, Павле, сподобился еси правды.
Богородичен: Радуйся, престоле огнезрачный Господень; радуйся, Невесто Неневестная, Дево, радуйся, облаче, Солнца возсиявшая правды, Егоже превозносим во вся веки.
Песнь 9
Ирмос: Уставы прешла еси естества, Содетеля заченши и Господа, и дверь спасения мирови была еси. Тем Тя, Богородице, непрестанно величаем.
Твоим покланяемся веригам, яже за Христа, яко злодей, носил еси, язвы же, Павле, облобызаем, яже на славнем твоем и победоноснем носиши телеси.
Ныне разрешился еси, апостоле, ко Иже тобою непрестанно Желаемому, с Нимже яко служитель водворяяся, непрестанными мольбами твоя рабы к себе привлецы.
Ныне никакоже в гаданиих, ниже в зерцале Христос тебе зрим есть, лицем же паче зрится к лицу, совершенне тебе разум открывая Божества.
Богородичен: Ты, Пресвятая Богомати, похвала Христовых апостолов была еси, мучеников же слава и пророков основание. Темже, вернии, Тя вси достодолжно величаем.
Светилен
Апостолов вси верх воспоем, Петра и Павла Божественныя, вселенныя светильники, проповедники веры, богословныя трубы, учений сказатели, церковныя столпы и разорители лести.
Икона Святой апостол Павел
Акафист первоверховным апостолам Петру и Павлу
Читать акафист
Кондак 1
Избра́ннии пропове́дницы А́гнца Непоро́чнаго, за ны закла́ннаго, Христа́ Бо́га, пресла́внии Апо́столи Пе́тре и Па́вле! Я́ко Богове́дением концы́ ми́ра озари́вшии и оби́льне струя́ми благода́ти напои́вшии, и ны́не с любо́вию при́зрите на чту́щия усе́рдно па́мять ва́шу. Испо́лните нас ду́ха прему́дрости, сердца́ на́ша ве́рою утверди́те, да непреста́нно благода́рственная вам пое́м, со умиле́нием зову́ще:
Ра́дуйтеся, святи́и первоверхо́внии Апо́столи Пе́тре и Па́вле.
Икос 1
А́нгели благове́стницы яви́стеся на земли́, Апо́столи Пе́тре и Па́вле блаже́ннии, зане́ от Самаго́ Вино́вника спасе́ния на́шего на де́лание ва́ше призва́ни бы́вше, широту́ всея́ земли́ обтеко́сте, иуде́ом и е́ллином Христа́ распя́таго, Бо́жию Си́лу и Бо́жию Прему́дрость, пропове́дающе. Те́мже и мы, све́том уче́ний ва́ших озаря́еми, се́рдцем и усты́ взыва́ем к вам сицева́я:
Ра́дуйтеся, зве́зды светоза́рныя, от восто́ка возсия́вшия и всем лю́дем путь ко Христу́ показа́вшия; ра́дуйтеся, Це́ркве Христо́вы утвержде́ние и столпи́ непоколеби́мии.
Ра́дуйтеся, власть вяза́ти и реши́ти грехи́ на́ша от Христа́ прии́мшии; ра́дуйтеся, во святы́х писа́ниих ва́ших к ве́ре и упова́нию на Бо́га вся ны призыва́ющии.
Ра́дуйтеся, в житии ва́шем о́бразы обраще́ния согреша́ющим яви́вшии; ра́дуйтеся, высоту́ любве́ и́стинныя сло́вом и де́лом нам показа́вшии.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 2
Ви́дя тя, апо́столе Пе́тре, на мо́ре Галиле́йстем вку́пе со Андре́ом, бра́том твои́м, вмета́юща мре́жи, Госпо́дь рече́ вам: «Гряди́та по Мне, и сотворю́ вы ловца́ челове́ком». И а́бие, оста́вльше мре́жи, по Нем идо́сте. Те́мже, красото́ Це́ркви вселе́нския, сотвори́ и нас предста́тельством твои́м ско́ры быти на де́лание за́поведей Бо́жиих, ко́сны же ко греху́, да, зло́бою младе́нствующе, дости́гнем вси в ме́ру во́зраста му́жа соверше́нна, пою́ще Бо́гови: Аллилу́иа.
Икос 2
Ра́зум Боже́ственный освети́ тя, Па́вле, избра́нный сосу́де Бо́жий, егда́, ревну́я о оте́ческих преда́ниих, ше́ствовал еси́ в Дама́ск гони́ти Це́рковь Христо́ву. Тогда́ бо внеза́пу сия́ние Сла́вы Госпо́дни облиста́ тебе́ и глас бысть с Небесе́: «Са́вле, Са́вле, что Мя го́ниши?» Ты же, а́ще зре́нием плотски́м омрачи́лся еси́, но ду́хом узре́л еси́ Си́лу и Сла́ву Христа́ распя́та, тьму просвеща́юща и любо́вию Це́рковь Свою́ созида́юща, и того́ ра́ди плени́лся еси́ ду́хом, покая́ние и послуша́ние нося́ и глаго́ля: «Го́споди, что сотворю́?» Посе́м, восприи́м жре́бий апо́стольства от руки́ Госпо́дни и креще́ние водо́ю и Ду́хом от Ана́нии блаже́ннейшаго, яви́лся еси́ преди́вно сосу́д избра́нный благода́ти и свиде́тель немо́лчный Спаси́теля на́шего, от Него́же и мы, просвеща́емии, пе́ти тебе́ навыко́хом сицева́я:
Ра́дуйся, све́тлосте церко́вная, от Све́та Неизрече́ннаго на пути́ пречу́дно во открове́ние язы́ков возжже́нная; ра́дуйся, зна́мения Си́лы Бо́жия в житии твое́м чу́дно яви́вый и тем уста́ непокори́вым наве́ки загради́вый.
Ра́дуйся, сосу́де избра́нный, ме́ньша от Апо́стол и пе́рваго от гре́шник себе́ сокруше́нно нареки́й; ра́дуйся, я́коже Херуви́м тайнозри́тель, да́же до тре́тияго Небесе́ ве́рою и любо́вию вознесе́нный.
Ра́дуйся, я́коже Серафи́м пла́менный, ре́вностию по Бо́зе непреста́нно снеда́емый и истаева́емый; ра́дуйтеся, Па́вле и Пе́тре, благове́стия трубы́ громогла́сныя, основа́ния ве́тхаго ми́ра, я́коже Иерихо́н вторы́й сокруши́вшия.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 3
Си́ла Вы́шняго, в не́мощех познава́емая, излия́ на тя, Па́вле, адама́нте ве́ры, благода́ть на благода́ть, зане́ нело́жно испове́довал еси́: «Вся могу́ о укрепля́ющем мя Иису́се». И вои́стину пропове́дал еси́ Ева́нгелие во явле́нии Ду́ха и си́лы, творя́ вели́кая и неизрече́нная, сла́вная же и ужа́сная, я́ко не ве́дущии Бо́га Богове́дению науча́хуся, сердца́ ожесточе́нная еле́ом милосе́рдия напая́хуся и вся о́вцы расточе́нныя во огра́ду Па́стыря Еди́наго отвсю́ду стека́хуся, Ему́же и пе́ти согла́сно научи́шася: Аллилу́иа.
Икос 3
Име́я дерзнове́нную любо́вь ко Го́споду, ше́ствовал еси́, Пе́тре, по вода́м воздвиза́емым, я́ко по су́ху. Но а́ще и потопле́нием был еси́ устраша́ем и сомне́нием обурева́ем, не потопи́лся еси́ в пучи́не, поне́же просте́рл еси́ ру́це и о́чи ко Спа́су, вопия́ Ему́ из глубины́ серде́чныя: «Го́споди, спаси́ мя». И в той час ру́ку по́мощи восприя́л еси́ от Христа́, Изба́вителя на́шего. Та́ко и мы в сей юдо́ли земне́й, беда́ми устраша́еми и волна́ми страсте́й потопля́еми, взира́юще на тече́ние твое́, к ти́хому приста́нищу до́бре нас наставля́ющее, благода́рственно воспева́ем ти си́це:
Ра́дуйся, ка́меню ве́ры многоце́нный, от Ка́мене Краеуго́льна избра́нный и утвержде́нный; ра́дуйся, хра́ме Ду́ха Свята́го, многоразли́чными дарова́ньми от Того́ преизря́дно украше́нный.
Ра́дуйся, ры́барю препро́стый, прему́дрости Бо́жия испо́лненный, е́йже от челове́к никто́же проти́витися мо́жет; ра́дуйся, самови́дче вели́чия Бо́жия, па́че царе́й и сла́вных земли́ от Го́спода на вся ве́ки просла́вленный.
Ра́дуйся, ха́ртие одухотворе́нная, в ню́же о́гненными письмены́ сло́во Бо́жие вписа́ся; ра́дуйся, с Па́влом апо́столом свети́ло равноче́стное и незаходи́мое.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 4
Бу́рю лю́тых искуше́ний воздви́же дре́вле человекоуби́йца, искони́ иски́й Це́рковь Бо́жию потреби́ти и ученики́ Спа́совы, я́коже пшени́цу, разсе́яти: но Госпо́дь моли́ся о тебе́, Пе́тре, да не оскуде́ет ве́ра твоя́. И та́ко, от Спа́са просвеща́емь и от Него́ в не́мощи укрепля́емь, вои́стину сокруши́л еси́ че́люсти вра́жия и обра́щся утверди́л еси́ бра́тию твою́, поя́ Бо́гу: Аллилу́иа.
Икос 4
Слы́шаще, Па́вле прему́дре, о ди́внем избра́нии твое́м, во е́же возвести́ти и́мя Го́спода Иису́са наро́дом и царе́м и сыно́м Изра́илевым, и ви́дяще тя в сло́ве, в житии, в любви́, в ду́се, в ве́ре, в чистоте́, я́коже све́та язы́ком во спасе́ние их поста́влена, неве́рнии ве́рою просвеща́хуся, ве́рнии же, ликовству́юще, Го́спода прославля́ху. Те́мже и мы, сора́доватися за́поведь прие́мше, прино́сим ти гла́сом ра́дования такова́я:
Ра́дуйся, ве́рный служи́телю Христо́в, вся сла́вная ми́ра я́коже сор и прах вмени́вый и всем себе́ порабо́тивый Христа́ ра́ди и Ева́нгелия; ра́дуйся, до́брый во́ине Христо́в, во вся ору́жия Бо́жия облече́нный и вся язы́ки в послуша́ние Христо́во покори́вый.
Ра́дуйся, же́ртво прия́тнейшая, Христу́ сораспе́ншаяся, Христа́ ра́ди по вся дни умира́ти приобы́кшая; ра́дуйся, се́ятелю слеза́ми мно́гими, у́зниче и испове́дниче пресла́вный, я́звы Го́спода Иису́са Христа́ на те́ле твое́м ра́достно носи́вый.
Ра́дуйся, сла́во и похвало́ Це́ркве Вселе́нския, позо́рище ми́рови бы́вый, глад, жа́жду, наготу́, бие́ние и поруга́ние за Христа́ многоча́стне претерпе́вый; ра́дуйтеся, Па́вле и Пе́тре, Апо́столов украше́ние, ми́ру благове́стницы, Це́ркве утвержде́ние.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 5
Боготе́чная звезда́ яви́лся еси́, Па́вле, егда́ тече́ние твое́, пресве́тло наче́н от Дама́ска, да́же до Ри́ма просте́рл еси́ и, я́коже пре́жде звезда́ от восто́к научи́ волхвы́ кла́нятися Со́лнцу Пра́вды, си́це и ты, Богому́дре, путь ко Христу́ показа́л еси́ всем, хотя́щим дости́гнути спасе́ния, взыва́я со дерзновением мно́гим: «Подража́тели мне быва́йте, я́коже и аз Христу́». Ему́же и пе́ти научи́л еси́ нас еди́неми усты́: Аллилу́иа.
Икос 5
Ви́дев на горе́ Фаво́рстей Сла́ву Единоро́днаго от Отца́, оде́яна Све́том, я́ко ри́зою, хотя́ща же за ны облещися в ри́зу поруга́ния, глаго́лал еси́, Пе́тре, Иису́сови, прови́дя сла́ву несказа́нную искупле́нных Кро́вию А́гнца Непоро́чна Христа́: «Го́споди, добро́ есть нам зде быти». Сего́ ра́ди и мы, ро́ди да́льнии, лише́ни чистоты́ светоза́рныя, а́ще и недосто́йни су́ще, оба́че твои́м а́нгельским гла́сом призва́ннии к насле́дию нетле́нну, чи́сту, неувяда́ему, соблюда́ему на Небесе́х, я́коже о́бщницы хотя́щей откры́тися Сла́ве, воспева́ем ти си́це:
Ра́дуйся, блаже́нне, от Присносу́щныя И́стины досто́йно «блаже́н» нарече́нный; ра́дуйся, би́сере предо́брый, от Го́спода при е́зере обрете́нный и све́том от Све́та осия́нный.
Ра́дуйся, от Самаго́ Искупи́теля ро́да челове́ча на про́поведь Ева́нгелия посла́нный; ра́дуйся, вои́стину лове́ц челове́ков яви́выйся, ты бо, я́коже и пре́жде, благода́тию влече́ши ду́ши омраче́нныя в чу́дный Свет Христа́ Бо́га.
Ра́дуйся, исто́чниче животво́рный, от Исто́чника жи́зни ве́чныя истеки́й и от бога́тства даро́в Ду́ха Свята́го жа́ждущия ду́ши напоя́яй; ра́дуйтеся, Пе́тре и Па́вле, я́коже Серафи́ми шестокрила́тии, у Престо́ла Царя́ Сла́вы паря́щии и ко све́ту Тайн Бо́жиих приница́ющии.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 6
Пропове́дник немо́лчен и по сме́рти твое́й, Пе́тре Богоно́сне, яви́лся еси́, зане́ с не́ба мы́сленнаго, я́коже гром та́инственный, о зва́нии христиа́нстем многоразли́чне напомина́еши. Мы же, ве́дяще любо́вь твою́ николи́же отпа́дающу и моли́тву о нас непреста́нно у Престо́ла Бо́жия де́ему, пое́м се́рдцем умиле́нным: Аллилу́иа.
Икос 6
Возсия́л еси́, Па́вле великоимени́те, зна́меньми и чудесы́ вско́ре, отне́леже Дух Святы́й во Антиохи́и повеле́ ти нача́ти превели́кое служе́ние Апо́стола язы́ков: та́же, дости́г Ки́пра, Ели́мы волхва́ зре́ние омрачи́л еси́ и Се́ргия проко́нсула све́том и́стины озари́л еси́. Сподо́би и нас, све́та сего́ прича́щшихся, просла́вити ди́вная де́ла твоя́ в пе́снех и пе́ниих духо́вных и воспева́ти тебе́ такова́я:
Ра́дуйся, све́те серде́ц кро́тких и разу́мных, я́же, я́ко дои́лица, гре́еши и пе́стунствуеши писа́ньми твои́ми Богодухнове́нными; ра́дуйся, же́зле наказа́ния, сосу́ды лжи и льсти до конца́ сокруша́яй, сердца́ же сокруше́нная на недви́жимем ка́мени ве́ры воздвиза́яй.
Ра́дуйся, Христо́во Ева́нгелие в себе́ воплоти́вый и сего́ ра́ди превы́ше ви́димых вознесе́нный и просла́вленный; ра́дуйся, уста́ медото́чная, ра́дость мно́гую Апо́столом и ве́рным возвести́вшая, я́ко отве́рзе тобо́ю Госпо́дь дверь спасе́ния всем язы́ком.
Ра́дуйся, ревни́телю по Бо́зе, но́вый Илие́, не на чужде́м основа́нии созида́яй и ре́вностию твое́ю стра́ны да́льния обтека́яй; ра́дуйтеся, Па́вле и Пе́тре, весь мир между́ ва́ми раздели́вшии, во е́же о́вому у́бо быти Апо́столу язы́ков, друго́му же пропове́дати наро́ду избра́нному.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 7
Хотя́ и́стину утверди́ти и мир Це́ркви огради́ти, прише́л еси́, Па́вле, побо́рниче пра́вды, во святы́й град, в не́мже на собра́нии святы́х Апо́стол и ве́рных свиде́тельствовал еси́ вку́пе с Петро́м и Варна́вою, я́ко Дух Святы́й ды́шит, иде́же хо́щет, да́руя благода́ть Свою́ незави́стно иуде́ом и е́ллином и ве́рою вся спаса́я, а не ме́ртвенными де́лы ве́тхаго зако́на. И та́ко вои́стину вси ве́рнии, свобо́ду и мир получи́вше, сою́зом любве́ связу́еми, благода́рственно воспева́ют Бо́гови: Аллилу́иа.
Икос 7
Но́ваго арха́нгела, провозве́стника та́йны, от ве́ка сокрове́нныя, избра́ тя, Апо́столе Пе́тре, Госпо́дь, егда́ вопроси́ ученики́ Своя́: «Вы же кого́ Мя глаго́лете быти?» Ты же, от Отца́ Небе́снаго просвеща́ем, возвести́л еси́ несомне́нное основа́ние на́шея ве́ры, глаго́ля ко Спа́су: «Ты еси́ Христо́с, Сын Бо́га Жива́го». Того́ ра́ди и мы, чту́ще тя, я́ко наде́жду на́шего спасе́ния неприкрове́нно испове́давша, взыва́ем ти такова́я:
Ра́дуйся, Сина́ю но́вый, скрижа́ль спасе́ния лю́дем я́сно показа́вый и свобо́ду во Христе́ возвести́вый; ра́дуйся, первоположе́нный от Архите́ктона Небе́снаго ка́меню ве́ры и испове́дания, на не́мже Це́рковь Христо́ва необори́мо основа́ся.
Ра́дуйся, первопоста́вленный врата́рю вхо́да ра́йскаго, ему́же пе́рвее обеща́ся Госпо́дь да́ти ключи́ Ца́рствия Небе́снаго; ра́дуйся, судие́ пра́ведный, имы́й суди́ти с про́чими Апо́столы обемана́десяте коле́нома Изра́илевома.
Ра́дуйся, я́ко очеса́ и ушеса́ твоя́ блаже́нная Христа́ Спа́са на́шего, Его́же лицезре́ти проро́цы пла́менне жела́ху, во пло́ти су́ща на земли́ ви́деша и слы́шаша; ра́дуйтеся, Пе́тре и Па́вле, иму́щии но́ги благовествова́ния красне́йшия и сердца́ освяще́нная, вы бо Ева́нгелию послужи́сте и ева́нгельски пожи́сте.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 8
Стра́нное чу́до и неудо́бь разумева́емое яви́лся еси́, Пе́тре, му́дрствующим земна́я, я́ко незна́тна ми́ра и уничиже́на избра́ тя Госпо́дь, и посрами́л еси́ му́дрыя, одоле́л еси́ ца́рства, приве́л еси́ со́нмы омраче́нных ко Све́ту И́стины, и доны́не, я́коже столп о́гненный, озаря́еши вся земноро́дныя, указу́я несомне́нный путь во блаже́нное Оте́чество. Сего́ ра́ди, бога́тству благода́ти в тебе́ дивя́щеся, пое́м Бо́гу: Аллилу́иа.
Икос 8
Всем был еси́ вся, Па́вле, любо́вию всех объе́мля, сло́вом спасе́ния да́льних и бли́жних достиза́я, ве́рою вся превозмога́я: зане́ и в Фили́ппех, мир благовеству́я, а́ще и па́лицами бие́н был еси́ лю́те и в темни́цу во око́вах ввержен, но воспе́л еси́ та́мо вку́пе с Си́лою песнь чу́дную хвалы́ и благодаре́ния Бо́гу, И́же и возгреме́ рабо́м Свои́м тру́сом ве́лиим, я́ко и основа́ния темни́чная поколеба́шася и две́ри отверзо́шася. Мы же, ви́дяще тя, прему́дре, тьму узи́лища све́том Богове́дения озаря́юща и свобо́ду о Христе́ у́зником подаю́ща, воспева́ем ти сицева́я:
Ра́дуйся, у́зниче Христо́в, темни́цу во храм претвори́вый и у́зами твои́ми де́монов це́пи лю́дем разреши́вый; ра́дуйся, си́льне, не́мощи немощны́х понесы́й, не себе́, но бли́жним угожда́ти иски́й.
Ра́дуйся, пречу́дне, у́зами и скорбьми́ хвали́выйся, ра́доватися с ра́дующимися и пла́кати с пла́чущими научи́вый; ра́дуйся, уме́рый греху́, но при́сно живы́й Бо́гови, тебе́ бо жизнь Христо́с и смерть приобре́тение.
Ра́дуйся, о́бразе неусы́пнаго де́лания, за́дняя забыва́яй, в пре́дняя простира́яйся и всем помышле́нием к по́чести вы́шняго зва́ния теки́й; ра́дуйтеся, Па́вле и Пе́тре, да́же до сме́рти му́ченически Го́споду послужи́вшии и се́ю, я́ко венце́м, по́двиг ваш венча́вшии.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 9
Вся ко Христу́ приводя́, возвести́л еси́, Па́вле, во Афи́нех мня́щимся му́дрым быти Прему́дрость, свы́ше сходя́щую, да, ве́дяще су́етная, отсе́ле уве́дят Бо́га, неви́димаго им, и ося́жут Его́, о Нем бо живе́м и дви́жемся и есмы. Те́мже и мы, благода́тию неизрече́нною ра́зум и́стины восприе́мше и се́рдцем нело́жно, я́ко благ Госпо́дь, пости́гше, пое́м Ему́ ве́рою тве́рдою, я́коже пе́рстом от Фомы́, осязу́ему: Аллилу́иа.
Икос 9
Вити́йствовати не можа́ше язы́к челове́чь, егда́ Госпо́дь Сил но́зе рабо́м Свои́м умыва́ше и ле́нтием отира́ше. Ты же, Пе́тре, стра́хом побежда́емь, а́ще возгласи́л еси́: «Не умы́еши ногу́ мое́ю вове́ки», но а́бие весь в послуша́ние преложи́лся еси́, егда́ услы́шал еси́ глаго́л, рече́нный от Го́спода: «А́ще не умы́ю тебе́, не и́маши ча́сти со Мно́ю». И та́ко всем се́рдцем возопи́л еси́: «Го́споди, не но́зе мои́ то́кмо, но и ру́це, и главу́». Мы же, ве́дяще тя в сих, я́коже зла́то во огни́ искуше́ния, очища́ема и познава́юще от смире́ния к послуша́нию восхожде́ние твое́, та́инству Бо́жия промышле́ния покланя́ющеся, воспева́ем ти се́рдцем смире́нным такова́я:
Ра́дуйся, Пе́тре, очеса́ о́рля, и́миже зрел еси́ Со́лнце Пра́вды — Христа́ Бо́га, Иу́де но́зе умы́вшаго и от него́ лобза́нием лука́вым преда́ннаго; ра́дуйся, наве́ки уневе́стивыйся Христу́, ты бо, А́гнцу Непоро́чну, я́коже а́гнец, после́дуя, до закла́ния твоего́ ве́рность соблю́л еси́.
Ра́дуйся, у́глю неугаси́мый, от же́ртвенника Небе́снаго огне́м любве́ Боже́ственныя непреста́нно объя́тый; ра́дуйся, свети́льниче горя́й и светя́й, ро́ды родо́в све́том пра́вды озаря́яй.
Ра́дуйся, гро́зде многооби́льный виногра́да Христо́ва, на ра́дость ми́ра многопеча́льнаго возраще́нный; ра́дуйтеся, Пе́тре и Па́вле, Христа́ Бо́га в себе́ ве́рно вообрази́вшии.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 10
Спасе́ния во Христе́ неизсле́димую пучи́ну и покая́ния мно́гую си́лу яви́л еси́ в себе́, Пе́тре, егда́ трикра́ты по предрече́нному отве́рглся еси́ Го́спода: «Не вем Челове́ка Сего́!» Егда́ кля́лся и роти́лся еси́ во дво́ре архиере́я, но а́бие, воспомяну́в глаго́л Иису́сов, вне текл еси́, пла́кася го́рько. Мы же, уми́льне взира́юще на пресве́тлый сей о́браз сокруше́ния, в науче́ние и обличе́ние жестоковы́йных серде́ц на́ших дарова́нный, пое́м Го́споду, па́ки ди́вно возвели́чившему тя: Аллилу́иа.
Икос 10
Стена́ и ору́жие непобеди́мое был еси́, Па́вле, проти́ву миродержи́телей тьмы ве́ка сего́, я́ко и ца́рство их в Кори́нфе, Ефе́се и ине́х гра́дех вселе́нныя сокруши́л еси́, тьму многобо́жия разгоня́я и ра́зум и́стины утвержда́я. Ты бо нело́жно показа́лся еси́ Бо́жий слуга́ в терпе́нии мно́зе, в ско́рбех, беда́х, в теснота́х, в ра́нах, темни́цах, в нестрое́ниих, труде́х, во бде́ниих, в поще́ниих, я́ко и ум наш недоуме́ет изрещи́ бога́тство добро́ты твоея́, денноно́щныя по́двиги со слеза́ми мно́гими. Того́ ра́ди, зря́ще мо́ре любве́ твоея́, дерза́юще мо́лим: услы́ши нас, убо́гих, гре́шными усты́ глаго́лющих сицева́я:
Ра́дуйся, уме́рый греху́ благове́стниче непобеди́мый, я́ко в себе́ пе́рвее ве́тхаго челове́ка победи́в, Христу́ сораспя́лся еси́; ра́дуйся, учи́телю многопло́дный и волко́в хи́щных обличи́телю, я́ко тобо́ю о́браз ве́рным показа́л еси́, при́сно бо́дрствуя и науча́я вся сугу́бо: сло́вом и житие́м по сло́ву.
Ра́дуйся, всех обогати́телю, я́ко, пре́жде сам обнища́в и ничто́же имы́й, вся содержа́л еси́; ра́дуйся, о христиа́нех пла́менный ревни́телю, обручи́вый я Христу́, я́ко де́ву чи́сту, непоро́чную неве́сту.
Ра́дуйся, утро́бо многоболе́зненная бы́вый о ча́дех твои́х в му́ках рожде́ния, до́ндеже вообразит́ся в них Христо́с; ра́дуйтеся, Па́вле и Пе́тре, в Ду́се еди́нице согла́сная во еди́ном гра́де ве́рность Христу́ кро́вию запечатле́вшии.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 11
Пе́ти и ублажа́ти у́зы и страда́ния твоя́, Па́вле многострада́льне, досто́йно есть, я́ко не то́кмо в терпе́нии мно́зе, но и с ра́достию предрече́нныя ти от Ага́ва проро́ка у́зы восприя́л еси́, и Це́ркви Кесари́йстей свиде́тельствовал еси́ си́це: «Не то́чию свя́зан быти хощу, но и умре́ти гото́в есмь за и́мя Го́спода Иису́са». Ему́же и мы, ди́вному во святы́х Свои́х, пое́м песнь: Аллилу́иа.
Икос 11
Све́том ра́дости неизре́ченныя и Боже́ственныя любве́ осия́н был еси́, Пе́тре, егда́ Госпо́дь по воскресе́нии пе́рвее про́чих апо́стол яви́ся тебе́, скорбе́вшему. По сих же па́ки я́влься, Влады́ка жи́зни вопроси́ тя трикра́ты: «Си́моне Ио́нин, лю́биши ли Мя?» Ты же, огне́м Боже́ственныя любве́ опаля́ем, отвеща́л еси́ те́пле: «Го́споди, Ты ве́си, я́ко люблю́ Тя». Того́ ра́ди и мы, обнища́вшии ду́хом, помяну́вше преизоби́льныя то́ки слез и любве́ твоея́, и́хже ра́ди воззва́ тя Госпо́дь на пре́жний сте́пень апо́стольства, благогове́йне взыва́ем ти сицева́я:
Ра́дуйся, учи́телю покая́ния, слеза́ми го́рькими высоту́ смире́ния стяжа́вый и Воскре́сшим от гро́ба к ра́дости неизглаго́ланней на ве́ки приобще́нный; ра́дуйся, прему́дрости глубино́, смиренному́дрия высото́, пла́меню любве́, о́браз жития́ всем ве́рным себе́ яви́вый.
Ра́дуйся, дру́же Го́спода Иису́са, и́го благове́стия ре́вностно понесы́й, над насле́дием Бо́жиим госпо́дствовати не восхоте́вый, но послуша́нию власте́м научи́вый; ра́дуйся, Апо́столе Христо́в, му́дрость змии́ну и чистоту́ голуби́ну в себе́ сочета́вый и о́бразом сме́рти твоея́ на кресте́ кра́йнее смиренному́дрие показа́вый.
Ра́дуйся, ра́бе Го́спода ве́рный, умно́живый да́нный тебе́ тала́нт и в ра́дость Го́спода вше́дый; ра́дуйтеся, Пе́тре и Па́вле, сердца́ не те́сная, весь мир любо́вию вмести́вшая и концы́ вселе́нныя просвети́вшая.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 12
Благода́ть Ду́ха Уте́шителя, излия́вшаяся на главы́ ве́рных во о́бразе язы́ков о́гненных, ско́ро излия́ся из уст твои́х, Пе́тре, глаго́лом о́гненным, во е́же благовести́ти с си́лою мно́гою Христа́ распя́та не то́чию поги́бшим овца́м до́му Изра́илева, но и язы́честей неплодя́щей це́ркви, да плодоно́сит и сия́ Бо́гови нетле́нный крин чистоты́ и покая́ния. Испроси́ и нам, Апо́столе достоблаже́нне, ми́лость Го́спода, творя́щаго тобо́ю вели́кая и чу́дная, руко́ю твое́ю ме́ртвыя воскреша́юща и сме́ртию твое́ю на кресте́ ме́ртвенную любо́вь на́шу воспламеня́юща, да непреста́нно пое́м Ему́: Аллилу́иа.
Икос 12
Пою́ще пресве́тлую па́мять твою́, Па́вле, досто́йно ублажа́ем неизре́ченныя по́двиги, боле́зни и труды́, я́же во бде́ниих, во алчбе́ и жа́жде, в поще́ниих, в зиме́ и наготе́ поне́сл еси́. Кто бо изочте́т ра́ны, ско́рби и беды́ твоя́ во гра́дех, в пусты́ни, в мо́ри, беды́ от разбо́йник, беды́ от сро́дник, беды́ от язы́к и лжебра́тии? Кто подо́бен тебе́? Па́че всех Апо́стол потруди́лся еси́. Те́мже мо́лим: не возгнуша́йся нас, гре́шных, моля́щихся тебе́, но я́коже всем был еси́ вся, и ны́не услы́ши немощны́м гла́сом приноси́мая ти сицева́я:
Ра́дуйся, у́зниче Христо́в, из темни́цы свет распространи́вый, сло́вом и посла́нием во у́зах мно́го потруди́выйся, зане́ вои́стину сло́во Бо́жие не вя́жется; ра́дуйся, неизсле́димая пучи́но любве́, по бра́тии твое́й отлуче́н быти от Христа́ преи́скренне восхоте́вый.
Ра́дуйся, подви́жниче преди́вный, по́двигом до́брым подвиза́выйся, тече́ние соверши́вый и кро́вию твое́ю Це́рковь украси́вый; ра́дуйся, источа́яй мо́ре чуде́с, я́ко главотя́жи и убру́сцы твои́ неду́ги исцеля́ху и де́моны прогоня́ху.
Ра́дуйся, любве́ Бо́жия неразлу́чный прича́стниче, го́рняя му́дрствуяй, а не земна́я, зане́ и от пло́ти разреши́тися и со Христо́м быти возжела́л еси́; ра́дуйтеся, Па́вле и Пе́тре, ве́ры христиа́нския насади́телие, благоче́стия вода́ми напои́телие и ко приста́нищу ве́чному ве́рнии води́телие.
Ра́дуйтеся, святи́и первоверхо́внии Апо́столи Пе́тре и Па́вле.
Кондак 13
О всехва́льнии благове́стницы Пе́тре и Па́вле! Внемли́те воздыха́нием серде́ц на́ших, моля́щиеся за ны, мно́го бо мо́жет моли́тва пра́ведных пред Бо́гом: потщи́теся и ны́не воспомина́ти нам о небе́снем зва́нии и христиа́нстей кончи́не жи́зни на́шея, привлецы́те нас ко сла́дости ева́нгельския и́стины, свяжи́те у́зами любве́ Христо́вы, да мы вси, отве́ргшеся нече́стия и мирски́х по́хотей, вни́дем в ра́дость Го́спода на́шего, пою́ще Ему́ со А́нгелы и с ли́ки святы́х: Аллилу́иа.
Этот кондак читается трижды, зате́м 1-й икос «А́нгели благове́стницы…» и 1-й кондак «Избра́ннии пропове́дницы…».
Моли́тва
О пресла́внии апо́столи Пе́тре и Па́вле, ду́ши за Христа́ преда́вшии и кро́вию ва́шею па́жить Его́ удобри́вшии! Услы́шите чад ва́ших моли́твы и воздыха́ния, се́рдцем сокруше́нным ны́не приноси́мыя. Се бо беззако́ньми омрачи́хомся и того́ ра́ди беда́ми, я́коже ту́чами, обложи́хомся, еле́я же до́браго жития́ обнища́хом зело́. О си́льнии! Понеси́те не́мощи на́ша, не отлуча́йтеся ду́хом от нас, да не разлучи́мся вконе́ц от любве́ Бо́жия, но кре́пким заступле́нием ва́шим нас защити́те, да помилует Госпо́дь всех нас моли́тв ва́ших ра́ди, да истреби́т же рукописа́ние безме́рных грехо́в на́ших и да сподо́бит со все́ми святы́ми блаже́ннаго Ца́рствия и бра́ка А́гнца Своего́, Ему́же честь, и сла́ва, и благодаре́ние, и поклонение во ве́ки веко́в. Ами́нь.
Икона Святые первоверховные апостолы Петр и Павел
Проповедь дня
Архимандрит Кирилл (Павлов)
В день памяти святых первоверховных апостолов Петра и Павла (1962 год).
Архимандрит Кирилл (Павлов)
Во имя Отца и Сына и Святаго Духа!
Во всю землю изыде вещание их, и в концы вселенныя глаголы их (Пс. 18, 5), — так воспевает царь и пророк Давид, пророчески восхваляя святых Апостолов, которым суждено было потрудиться над распространением евангельской проповеди по вселенной.
Дорогие братия и сестры, сегодня Церковь Христова облеклась в праздничные одежды, духовно прославляя двух великих апостолов — Петра и Павла. Все Апостолы трудились над устроением Христовой Церкви, но чествуемые ныне святые апостолы Петр и Павел потрудились больше всех и за свою пламенную ревность и горячую любовь к Господу Иисусу Христу и ближним названы первоверховными, как достойные всякой похвалы. Вся Церковь Христова благодарна им за те труды, болезни, скорби, гонения, бедствия, какие претерпели они, распространяя веру Христову и обращая людей от тьмы язычества к свету Христова учения.
Святой апостол Петр (назывался он также Кифою или Симоном) происходил из небольшого городка Вифсаиды и по занятию был рыбарь. После призвания своего он следовал за Господом неотступно и за свою любовь к Спасителю удостоился стать избранным учеником Его вместе с Иаковом и Иоанном Богословом. Именно им троим довелось быть свидетелями многих тайн судеб Божественных. Верным Господу святой апостол Петр оставался до конца своей жизни. Правда, в стесненных обстоятельствах Апостол по малодушию отрекся от Господа во дворе первосвященника, но это свое отречение он омыл горячими слезами покаяния и после Воскресения Христова по троекратном вопрошении его Господом: любишь ли Меня (Ин. 21, 15)? — был восстановлен в апостольском звании и служении.
Первоначально апостол Петр проповедовал Евангелие преимущественно среди иудеев в Иерусалиме; затем он проповедовал в Самарии, Сирии, Асии, Вифинии, Понте, Галатии и, наконец, пришел в Рим, где и был заключен в темницу. Свою преданность и верность Господу он запечатлел мученической кончиной: был распят на кресте вниз головой в 67‑м году от Рождества Христова. Церковное предание гласит, что, когда император Нерон воздвиг гонение на христиан в Риме, римские христиане просили апостола Петра укрыться и выйти из города. Когда же Апостол, преклонившись на их просьбы, пошел, то, подойдя уже к окраине города, увидел грядущего ему навстречу Спасителя и в трепете вопросил Его: “Куда Ты, Господи, идешь?” Господь же отвечал ему: “Иду, чтобы вторично быть распятым”. Из этих слов Господа святой апостол Петр уразумел, что наступил для него час прославить Господа своей смертью. Он вернулся в город и был осужден императором Нероном на распятие. Считая себя недостойным того, чтобы принять такую же смерть, как Господь, апостол Петр просил, чтобы его распяли вниз головою, что и было исполнено: 29 июня он вместе с чествуемым ныне же святым апостолом Павлом был предан мученической смерти.
Что же до апостола Павла (называвшегося прежде Савлом), то настоящая его жизнь такова. Происходил он из Киликийского города Тарса и до обращения своего был яростным гонителем христиан, так что сам отыскивал и предавал их на мучения. Но однажды, когда он направлялся в Дамаск, чтобы и там преследовать христиан, на пути осиял его небесный свет и был к нему голос:
— Савл, Савл! что ты гонишь Меня?
— Кто Ты, Господи? — спросил он.
— Я Иисус, Которого ты гонишь. Трудно тебе идти против рожна.
— Господи! что повелишь мне делать? — спросил он снова.
И Господь сказал ему:
— Иди в город; и сказано будет тебе, что тебе надобно делать (ср.: Деян. 9, 4–6).
От озарения небесным светом Савл лишился зрения. По прибытии же своем в город, после крещения от ученика Христова Анании, он тотчас прозрел и так из гонителя обратился в ревностного проповедника христианской веры. С этого времени святой апостол Павел избирается Господом для проповеди евангельской истины среди языческого мира. Он проповедует Евангелие в Малой Азии, в Греции, повсюду устрояя Церкви Христовы. Он прошел пешком почти всю вселенную, стараясь везде посеять слово благочестия и привести людей ко Христу. Он глубоко понимал, какое значение для спасения и жизни человека имеет проповедь Евангелия, и потому с пламенной ревностью и любовью трудился над благовестием Христовым, встречая со стороны языческого мира яростное сопротивление. Перенесенным им скорбям и искушениям нет счета. Вот как сам говорит он о себе в одном из посланий: Я гораздо более был в трудах, безмерно в ранах, более в темницах и многократно при смерти. От Иудеев пять раз дано мне было по сорока ударов без одного; три раза меня били палками, однажды камнями побивали, три раза я терпел кораблекрушение, ночь и день пробыл во глубине морской; много раз был в путешествиях, в опасностях на реках, в опасностях от разбойников, в опасностях от единоплеменников, в опасностях от язычников, в опасностях в городе, в опасностях в пустыне, в опасностях на море, в опасностях между лжебратиями, в труде и в изнурении, часто в бдении, в голоде и жажде, часто в посте, на стуже и в наготе. Кроме посторонних приключений, у меня ежедневно стечение людей, забота о всех церквах. Кто изнемогает, с кем бы и я не изнемогал? Кто соблазняется, за кого бы и я не воспламенялся (2 Кор. 11, 23–29)? Таковы подвиги, такова любовь к Богу и к людям, которая была присуща святому апостолу Павлу. О любви его святитель Иоанн Златоуст говорит, что она была шире всякого моря и сильнее всякого огня. Святая душа апостола Павла обнимала всю вселенную и всех заключала в себе, родство по Богу считая выше всякого иного родства.
Святой апостол Павел всех любил так, как ни один самый нежный отец не любил своих детей. Несмотря на все опасности и лишения, святые апостолы Петр и Павел всегда утешались и радовались, ибо знали, что толькомногими скорбями надлежит нам войти в Царствие Божие (Деян. 14, 22). И их подвиг благодушного перенесения скорбей должен послужить нам примером. Мы в большинстве своем, когда приходят к нам скорби, сокрушаемся, огорчаемся и унываем. Сколько тогда ропота вырывается из наших уст на Господа, сколько зависти, досады и гнева возникает тогда в сердце нашем! Но не такому перенесению скорбей учат Святые Отцы.
Святой Ефрем Сирин говорит: “Если желающие приобрести земное богатство терпят всякую опасность и напасть, то кольми паче мы, желающие приобрести небесное богатство и наслаждаться вечно пребывающими утехами, обязаны ни во что ставить для себя всякое трудное дело и всякую опасность и отваживаться на искушения. Ибо если мы не будем охотно, с сердечным желанием переносить всякий труд, не будем с умилением и сокрушенным сердцем плакать, то как, не плакав здесь, пожнем там, то есть на том свете? Если бы можно было получить Царство без скорбей, без искушений, без терпеливого подвига и прочих добродетелей, то для чего тогда Бог попускал святым терпеть столько опасностей, искушений и тесноты, а не дозволил им жить в своеволии и роскоши? Поэтому не будем унывать, когда приключаются с нами огорчения и скорби, а, напротив, станем радоваться, что идем путем святых”.
И святитель Иоанн Златоуст учит: “Душа очищается, когда терпит скорби ради Господа. Скорбь искореняет высокоумие, отсекает всякое нерадение, приготовляет душу к терпению, научает ее всякому любомудрию. Ей уступают все страсти: зависть, ревность, похоть, пристрастие к богатству, плотская любовь, гордость, высокоумие, гнев и весь рой душевных недугов. Что огонь для золота, то скорбь для души: она стирает с нее скверну, делает ее чистою, светлою и ясною. Скорбь вводит в Царство, а беспечная жизнь — в геенну”.
Зная благотворное значение скорбей, богобоязненные люди даже тревожились, когда их долго не посещали скорби. Так, один из египетских Отцов рассказывал другому подвижнику следующий случай: “Однажды, когда я пришел в Александрию и вошел в храм помолиться, я увидел женщину, одетую в черное одеяние и со слезами молящуюся пред образом Спасителя; она непрестанно повторяла со слезами: “Оставил Ты меня, Господи, помилуй Ты меня, Милостивый!”. “Видимо, эта женщина — вдова и ее кто-нибудь обидел, что она так горько плачет”, — подумал я и решил подойти и поговорить с ней, чтобы ее утешить. Я сказал ей: “Видимо, обижает тебя кто-нибудь, что ты так плачешь?”. “Ах, нет, — ответила она, вновь проливая слезы, — нет, отче, ты не знаешь моего горя. Среди людей живу я и ни от кого не терплю оскорбления никакого. И вот о том я плачу, что как я забываю о Боге, то и Бог забыл меня посещать; три года уже, как не знаю я никакой скорби. И ни я сама не была больна, ни сын мой, и ни курицы у меня из дома не пропадало. Думаю поэтому, что Бог за грехи мои оставил меня, не посылает мне никаких скорбей, и вот плачу перед Ним, чтобы Он помиловал меня и послал мне Свои милости””. Итак, богобоязненные люди считали скорби знаком особенного внимания и милости Божией к ним.
Дорогие братия и сестры, и нам в своей жизни часто приходится встречаться со скорбями, поэтому для спасительного их перенесения облечемся прежде всего в благодушие и терпение и с усердием помолимся ныне святым апостолам Петру и Павлу, нашим небесным покровителям, и попросим их, чтобы они своим молитвенным предстательством помогли нам приобрести святую простоту нрава, живую веру в Иисуса Христа как Сына Божия, пламенную любовь к Господу, чистоту жизни, кротость и смирение.
Апостолов первопрестольницы, и вселенныя учителие, Владыку всех молите, мир вселенней даровати и душам нашим велию милость! (Тропарь святым первоверховным апостолам Петру и Павлу, гл. 4. — Ред.) Аминь.
Икона Святые первоверховные апостолы Петр и Павел
Источники:
www.azbyka.ru/days/p-apostoly-petr-i-pavel-internacionalnye-imena,
www.azbyka.ru/days/prazdnik-slavnyh-i-vsehvalnyh-pervoverhovnyh-apostolov-petra-i-pavla,
Яндекс.Картинки.
(прочитано 249)